Compone te in rectum corporis statum: vultus sit nec tristis nec torvus nec impudens nec protervus nec instabilis; iuncti immotique pedes (sint), quietae manus, non gesticulosae; ne oculos demittas nec mordeas labrum nec scabas caput. Vestes item ad decorum componantur, ut totus cultus, vultus, gestus et habitus corporis verecundam indolem prae se ferat. Ne sis inepte loquax aut praeceps. Ne vagetur animus tuus, sed sis attentus verbis magistri. Si quid erit respondendum, id facito paucis verbis, pertinenter, plane ac pudenter. Cum loqueris, ne precipites sermonem aut haesites lingua, sed distincte, clare, articulate consuescito proferre verba tua.
- Latino
- Maiorum Lingua A
- Versioni dai Libri di Esercizi
